| 19.04.2015, 22:10 | |
Ժամանակին Մայլի Սայրուսը հայտնի էր հեքիաթային արքայադստեր կերպարով, սակայն ժամանակի ընթացքում նա այնքան հեռացավ այս կերպարից, որ սկսեց աչքի ընկնել ցինիկ պահվածքով ու կիսամերկ ֆոտոշարքերով։ Երեկ նա հերթական անգամ շոուբիզնեսային բոլոր լրատվամիջոցների ուշադրությունն իր վրա է գրավել։
Նա փողոց էր դուրս եկել մի այնպիսի շորտով, որն անգամ իբրև հատակի փալաս պիտանի չէր լինի, սակայն ամենից ավելի ուշագրավը ոչ թե այդ քրջի գործվածքն էր, այլ երկարությունը։
Այնպիսի տպավորություն է, ասես այս աղջիկը ներքնավարտիքը շորտիկից չի տարբերում։ Գուցե երեխա ժամանակ սա լավ էլ շորտ է եղել Մայլիի համար, սակայն այժմ այն արդեն փոքրացել է նրա վրա, ավելի ճիշտ՝ նա է մեծացել, ու արդեն անհնար է փարթամ բարեմասնությունները թաքցնել վարտիքի ու շորտիկի այս հիբրիդի տակ։ Հավանաբար Մայլին էլ է պատկանում այն աստղերի թվին, ովքեր ժամանակ առ ժամանակ ֆուրոր են առաջացնում իրենց բոմժական ոճով։ 22-ամյա աստղն այս տեսքով դուրս էր եկել գնումների ու խանութներից դուրս եկավ հսկայական տոպրակով։
Այդ օրը նա իր ինստագրամյան էջում հրապարակել էր երկու լուսանկար, որոնցից մեկում նյարդայնացած տեսք ուներ։
Հավանաբար սպասում էր իր սիրեցյալ Պատրի Շվարցենեգերի SMS-ին, իսկ հաջորդ լուսանկարում բաղձալի SMS-ը հավանաբար բարով-խերով տեղ էր հասել, քանի որ այստեղ արդեն Մայլին ավելի լիցքաթափված տեսք ուներ ու լուսանկարին կից գրել էր, որ հաղորդագրություն է ստացել։
Թեպետ պարզ չէ, թե արդյոք նա Պատրիկից էր նամակ ակնկալում, թե նախկին ընկեր Mike Will Made It-ից։ Նրա մոտ ամեն ինչ այնքան խառն է, որ անգամ պապարացիները երբեմն գլուխ չեն հանում, թե երկուսից որն է ներկայիս ընկերը և որը՝ նախկին։ Պատրիկը վերջերս բավականին մտերմիկ հարաբերությունների մեջ էր մեկ այլ աղջկա հետ, սակայն ո՞վ գիտե, գուցե դա էլ լուրջ սիրավեպ չէր, և առհասարակ մեր ի՞նչ գործն է, թե ով ում հետ է։
Մայլին Մայքի հետ
| |
| Просмотров: 455 | |
